මොකක්ද මේ ස්තී‍්‍ර පුරුෂ සමාජභාවය කියන්නේ,
ස්තී‍්‍ර පුරුෂ සමාජභාවය යනුවෙන් අදහස් වන්නේ ස්තී‍්‍රය සහ පුරුෂයා වශයෙන් ජීව විද්‍යාත්මක නොවන සමාජ සම්බන්ධතා නිසා සකස් වී ඇති සමාජ ලක්ෂණයකි. එනම් මානව ජීවියා ජීවවිද්‍යාත්මකව ස්තී‍්‍ර හා පුරුෂ වශයෙන් කොටස් දෙකකට බෙදේ. මෙම ලිංගක වෙනස නිසා ස්තී‍්‍රන් හා පුරුෂයින් කායික හා මානසික මෙන් ම අභ්‍යන්තර හා බාහිර වශයෙන් ද යම් යම් වෙනස් ලක්ෂණවලින් යුක්තවේ. එහෙත් එම වෙනසට වඩා ඉතා පුළුල් වෙනසක් සමාජය විසින් මෙම ස්තී‍්‍ර පුරුෂ දෙපක්ෂය අතර නිර්මාණය කර තිබේ. එයට අනුව පුරුෂයාට වඩා වෙනස් වූ අප‍්‍රධාන තත්වයක් ස්තී‍්‍රයට පවුල තුළ මෙන් ම සමාජය තුළත් හිමිකර දී තිබේ. මෙම දෙපක්ෂයට සමාජය විසින් පවරනු ලැබ ඇති කාර්යභාර්යන් එකිනෙකට වෙනස් ය. එසේම ස්තී‍්‍රන් හා පුරුෂයන් සම්බන්ධයෙන් පවතින ආකල්ප, සම්ප‍්‍රදායන් හා විශ්වාසයන් ද එකිනෙකට වෙනස් ය. එපමණක් නොව සමහර අවස්ථාවලදී ස්තී‍්‍රන් හා පුරුෂයන් සඳහා වන නීතිරීතිද වෙනස් වේ. එහි ප‍්‍රතිඵලයක් ලෙස සාම්ප‍්‍රදායික සමාජයේ පමණක් නොව නුතන සමාජය තුළත් ස්තී‍්‍රය දෙවැනි ගණයේ පුරවැසියෙකුගේ තත්වයට පත් වී ඇත.
කාන්තාව පිළිබඳ සමාජ අර්ථකතනය දෙස බලන විට පැහැදිලි වන්නේ එය ඒකකෘතික ( ීඑැරුදඑහචැ * ස්වභාවයක් ගන්නා බවකි. එනම් කාන්තාවට පැවරුණු යම් කිසි වැඩ රාමුවකට ඇයව නිරන්තරයෙන් ලඝු කොට දැක්විමට පුරුදුව තිබේ. ඇය සෑම විටම යමෙකුගේ රැුකවරණය යටතේ ජීවත් විය යුතු අතර, ඇයට තනිව කිසිදු කාර්යක් සිදු කළ නොහැකි බව අවධාරණය කරයි. ඇය ස්වධීනව තම කටයුතු සිදු කිරිමට යාම බරපතල වරදක් ලෙස සමාජය විසින් අර්ථකථනය කොට තිබේ. මේ හේතුවෙන් බොහෝ කාන්තාවන් පිඩාවට පත්ව ඇත.
ස්තී‍්‍රය හා පුරුෂයා අතර පවතින වෙනස්කම් හේතුවෙන් ඔවුන්ව විශේෂයෙන් බැහැර කිරිමටකට ලක් කළ නොහැකි ය. එනම් ජන වර්ගය, වර්ණය, භාෂාව, ශරීර හැකියාව, පන්තිය, වාර්ගිකත්වය, සමාජ සම්භවය, දේශපාලන මතය, කුලය, ජාතිකත්වය, ආගම, ස්තී‍්‍ර පුරුෂ භාවය වැනි වෙනස්කම් මත ඔවුන්ට විශේෂත්වයක් දැක්විමට හෝ වෙනස්කමකට භාජනය කිරිමට ලක් නොවිය යුතුය. සම්ප‍්‍රදායික සමාජ සංස්ථාව තුළ පමණක් නොව නුතන සමාජයේ ද මෙම කරුණු පදනම් කරගෙන බොහෝ විට පිඩාවට පත් වන්නේ කාන්තාවයි. ඒ හේතුවෙන් කාන්තාවගේ අයිතින් වෙනුවෙන් ලෝකයේ රාජ්‍ය සංවිධාන මෙන් ම සිවිල් සංවිධාන ද පෙළගැසෙන්නට විය. එහි ප‍්‍රතිඵලයක් ලෙස කාන්තාවන්ගේ අයිතින් වෙනුවෙන් වු නිතී සම්පාදනය වන්නට විය. මේ අතරින් කැපී පෙනෙන සම්මුතිය වන්නේ ස්තී‍්‍රන්ට එරෙහි සියලූ ආකාරයේ වෙනස්කම් පිටු දැකිමේ සම්මුතිය හෙවත් සීඩෝ සම්මුතිය යි.
මානවයෙක් වශයෙන් උපත ලබන සෑම අයෙක්ටම සමජ සංස්ථාව තුළ ජීවත් විමට සමාන අයිතිවාසිකමක් පැවතිය යුතුය. එය සීමා කිරිමට කිසිවෙකුට අයිතියක් නොමැත. ස්තී‍්‍ර පුරුෂ සමාජභාවය යනුවෙන් හදුන්වන්නේ ස්තී‍්‍ර පුරුෂ බේදයකින් තොරව, සමාජය තුළ ජීවත් වීමට ඇති අයිතිය යි.
No comments:
Post a Comment